Atama | Bakakuk The Album |

Bah Apa Khabar?Tu ari ada sa tedingar pasal album kedua si ATAMA mo keluar. Tida lama lapas tu, sa sendiri nampak si Atama menyanyikan salah satu daripada lagu baru beliau di Kaamatan Tambunan. Siuk eh!Sampat lagi dia kasi motivation sama urang Tambunan supaya banyak-banyak belajar English. Pendapat sa, mimang English si Atama ni bagus sudah begia. Tula dia harap kita pun kasi naik tarap English kita. Bukan 'naik tarap' pigi ambil daun bikin tutup tu tapaiiiiiiiiiii saja. Ada paham?Sa mimang suka ATAMA. Baru nama dia pun sa suka sudah. "Atama" dalam bahasa Dusun, bererti "berani". Dia mimang berani. Me'mix'kan lagu Dusun dengan irama Hiphop. Bukan semua urang dapat terima tu. (Sama macam urang-urang 'otai metal' tia dapat terima irama 'rap metal') Sa walaupun langsung teda bakat dalam bidang muzik, sa suda dgr muzik sejak umur sa dapat mengingat!Sa dibesarkan dengan muzik-muzik folk seperti Elvis Presley, Tom Jones, Engelbert Humperdinck, Creedence Clearwater Revival, Jim Reeves, instrumental dari The Shadows, The Ventures dan sa amat suka kan lagu-lagu dari piring hitam bapa sa dulu. Paling sa suka lagu-lagu dari piring hitam kici yang berirama 'koboi' dan salah satu lagu paling sa minat ialah lagu "Apache". Siap dengan bunyi pistul lagi tu. Tiungggggggggggg!!!! debilang.Sayangnya piring hitam si beliau sudah tia buli kana kasi main. Kapala jarum dia rusak bah. Punya sayang. Kalau la sa dapat 'revive'kan benda tu satu hari nanti, itu lah antara harta kepunyaan si 'dadi' yang paling berharga.OKlah cukup la pasal pengalaman muzik sa. Selain lagu2 folk tadi, sa juga dengar lagu-lagu Jipun dari Mayumi Itsuwa, Kiroro (ramai yang tia tau, ni kumpulan lama ni) lagu Hetty Koes Endang (katawa la kamu), Ebiet G. Ade, Broery Marantika dan lagu-lagu Dusun yang sampai sekarang melakat di hati sa seperti lagu-lagu mendiang John Gaisah (penyanyi Dusun yang mempunyai suara PALING MERDU bagi sa) dan juga lagu-lagu dari Francis Landong.Ah nah dingar kamu "Kokoro No Tomo" dari Ma...

Atama's Facebook Page